Grønland, Føroyar og Danmark yvirtaka formliga formansskapin frá Noreg í Arktiska ráðnum komandi mánadag, 12. mai, í Tromsø. Fundurin byrjar kl. 16.30 føroyska tíð – skrá er viðheft.
Tað verður Vivian Motzfeldt, landsstýriskvinna (Naalakkersuisoq) í uttanríkismálum og gransking í Grønlandi, ið yvirtekur formansskapin vegna Kongsríkið frá Espen Barth Eide, norska uttanríkisáðharranum.
Úr Føroyum luttaka Gunvør Balle, Deputy Senior Arctic Official Chair (næstforkvinna), og Margretha Jacobsen, føroyskt embætisumboð í Arktiska ráðnum. Báðar starvast í Uttanríkistænastuni.
Fundurin verður stroymdur her.
Til ber at lesa formansskránna fyri formansskapin her.
Meira kunning um Føroyar í Arktis sæst her.
