Limagjøld og stuðulsupphæddir kunnu nú flytast inn á kontu: 9865-3372086 hjá áhugafelagnum Føroyingar fyri friði. Árliga limagjaldið fyri einstaklingar er kr. 100,- og kr. 200,- fyri felagsskapir, feløg, stovnar og kommunur. Viðmerk flytingina “limagjald” ella “stuðul”.
Síðani stovnanina 5. oktober í ár er áhugafelagið Føroyingar fyri friði skrásett hjá TAKS við v-tali og hevur fingið peningastovnskontu.
Tað krevst eitt sindur av fígging til virksemið í friðarrørsluni, sum tekur støði í og arbeiðir við
– friðarhugsjónini (pasifismu) fyri at fyribyrgja kríggi og harðskapi
av einum og hvørjum slag,
– at myndugleikar og politiska skipanin framhaldandi verður
kunnað um týdningin at skapa frið millum fólk, fólkasløg og
heimsins lond,
– at vekja almannahugsanina um týdningin at virka fyri friði og
vápnaavdubbing og í hesum sambandi skipa fyri regluligum
almennum tiltøkum um alt landið,
– at bera vitanina um virksemið hjá Føroyingum fyri friði til
skúlaverkið og lærustovnar,
– at samstarva við friðarrørslur uttanlands.
Arbeiði í friðarrørslu er áhaldandi og hevur týdning bæði í dag og í komandi tíðum – í Føroyum og úti í heimi.
Øll eru vælkomin at gerast limir í friðarrørsluni. Vónandi verður undirtøkan góð.
Vegna nevndina í áhugafelagnum Føroyingar fyri friði
Henrik Weihe Joensen, forfólk
